Aberto o prazo de presentación de ponencias

Cluergal organizará en Ferrol, os días 2 e 3 de decembro, o I SEMINARIO SOBRE O SECTOR ENERXÉTICO NA PROVINCIA DA CORUÑA.

Este Seminario, que conta coa financiación da Deputación da Coruña e da Xunta de Galicia, celébrase co obxectivo de ser un punto de encontro de profesionais e interesados no sector enerxético da provincia da Coruña.

ENERCOR abordará diferentes temáticas como as renovables, o aforro e eficiencia enerxética, o mantemento, a iluminación, a mobilidade eléctrica,…

Está xa aberta a convocatoria para a presentación de comunicacións. Para a súa aceptación farase unha selección por parte dun Comité Técnico de Expertos.

As comunicacións presentadas terán carácter científico, tecnolóxico ou divulgativo. Na súa valoración, a Comisión Técnica dará preferencia ás de carácter innovador, que presenten novidades científicas ou tecnolóxicas, actuacións emblemáticas ou que teñan incidencia relevante e tamén a súa relación coa provincia.

As propostas de traballos poden presentarse ata o 14/11 a través deste FORMULARIO.