Faise público o programa de ENERCOR 2025
O Clúster de Enerxías Renovables de Galicia (Cluergal) vén de facer público o programa do I Seminario sobre o Sector Enerxético na Provincia da Coruña (ENERCOR), que se celebrará os días 2 e 3 de decembro de 2025 no CIS Tecnoloxía e Deseño de Ferrol.
Este encontro, organizado por Cluergal coa financiación da Deputación da Coruña e da Xunta de Galicia, nace cun claro obxectivo: crear un espazo de referencia para profesionais, empresas e persoas interesadas no sector enerxético da provincia, impulsando a cooperación, a innovación e a difusión do coñecemento técnico e científico.
O programa inclúe cinco sesións temáticas que abordarán cuestións clave como:
- A realidade e perspectivas do sector enerxético na provincia
- A eficiencia enerxética en edificios e instalacións
- A integración de renovables
- A innovación tecnolóxica
- A dixitalización e a aplicación de IA e drons no mantemento avanzado
Participarán expertos de entidades como Iberdrola, Navantia, Exponav, Inega, ITG, Universidade da Coruña, CO2 Smart Tech, Ledvance, Reganosa, SGS, Aeromedia ou Willbö, entre outras.
O PROGRAMA completo pode consultarse aquí.
A inscrición é gratuita e xa está aberta a través deste FORMULARIO.
